About Our Temple

തളി ശ്രീ മഹാഗണപതി ശ്രീ ബാലസുബ്രഹ്മണ്യ ക്ഷേത്രം,
(ഒരു ശനീശ്വര നവഗ്രഹ ക്ഷേത്രം)
തളി, കോഴിക്കോട് – 673002

തളി ശ്രീ മഹാഗണപതി ശ്രീ ബാലസുബ്രഹ്മണ്യ ക്ഷേത്രം, ഒരു ശനീശ്വര നവഗ്രഹ ക്ഷേത്രം സത്യത്തിന്റെ നഗരം എന്നറിയപ്പെടുന്ന കോഴിക്കോട് എന്നും കാലിക്കറ്റ് എന്നും അറിയപ്പെടുന്ന നഗരത്തിന് സമ്പന്നമായ ഒരു പൈതൃകവും പാരമ്പര്യവുമുണ്ട്. തളിയിലും പരിസരങ്ങളിലുമുള്ള നിരവധി മനോഹരമായ ക്ഷേത്രങ്ങൾ ഒരു സുവർണ്ണ കാലഘട്ടത്തിന്റെ സാക്ഷ്യങ്ങളാണ്. അത്തരമൊരു സുവർണ്ണ കാലഘട്ടത്തിന്റെ പൈതൃകമാണ് 'ശനൈശ്ചര നവഗ്രഹ ക്ഷേത്രം' ആയ തളി ശ്രീ മഹാഗണപതി ശ്രീ ബാലസുബ്രഹ്മണ്യ ക്ഷേത്രം ചരിത്ര നഗരമായ കോഴിക്കോട്ടെ ഹൃദയഭാഗത്ത് സ്ഥിതി ചെയ്യുന്നു. തളി ശിവക്ഷേത്രക്കുളത്തിന്റെ വടക്ക് പടിഞ്ഞാറൻ കരയിലാണ് ഇരിക്കുന്നത്,

നൂറ്റാണ്ടുകൾക്കു മുൻപ് നാട്ടുരാജഭരണകാലത്തു തമിഴ് രാജാക്കന്മാരുടെ ഇങ്കിതപ്രകാരം ഇപ്പോഴത്തെ മലബാർ പ്രദേശത്തെക്കു കുടിയേറിയ പരദേശി ബ്രാഹ്മണർ സ്ഥാപിച്ച തളി ബ്രാഹ്മണ സമൂഹത്തിൻ്റെ ഉടമസ്ഥതയിലുള്ളതും, കൈകാര്യം ചെയ്യുന്നതുമായ ഈ ക്ഷേത്രം പതിറ്റാണ്ടുകൾക്ക് മുമ്പ് പ്രതിഷ്ട ചെയ്തതാണ്. പിന്നീട് വിഗ്രഹത്തിൽ ന്യൂനത ശ്രദ്ധയിൽപ്പെട്ടപ്പോൾ, അത് ജലാധിവാസത്തിൽ (ജലസ്രോതസ്സിൽ ആചാരപരമായ നിമജ്ജനം) നിക്ഷേപിച്ചു. തുടർന്ന് തളി ബ്രാഹ്മണ സമൂഹം മഠം പരിസരത്ത് ആരാധിച്ചിരുന്ന വിഗ്രഹം തൽസ്ഥാനത്തു പ്രതിഷ്ഠിക്കുകയാണ് ഉണ്ടായത്.

ജഗദ്ഗുരു ശ്രീ ആദിശങ്കരൻ സ്ഥാപിച്ച നാല് മഠങ്ങളിൽ ഒന്നായ ശൃംഗേരി മഠം ഉദ്‌ഘോഷിച്ചതും പ്രചരിപ്പിച്ചതുമായ ആഗമ ശാസ്ത്രങ്ങൾക്കും സംബ്രദായങ്ങൾക്കും അനുസൃതമായിട്ടാണ് ക്ഷേത്രത്തിൽ ആരാധന വിധികൾ പിന്തുടരുന്നത്. 1968-ൽ, ശൃംഗേരി മഠത്തിലെ ജഗദ്ഗുരു ശങ്കരാചാര്യനായ ശ്രീ ശ്രീ അഭിനവ വിദ്യാതീർത്ഥ സ്വാമികളുടെ അനുഗ്രഹത്താൽ, മഹാ ഗണപതിക്ക് ഒരു പുതിയ ശ്രീകോവിൽ സമർപ്പിക്കപെട്ടു.



കാഞ്ചി കാമകോടി പീഠത്തിലെ ജഗദ്ഗുരു ശങ്കരാചാര്യ ശ്രീ ശ്രീ ജയേന്ദ്ര സരസ്വതി സ്വാമികൾ 1972-ൽ പരിവാരങ്ങളുമായി ക്ഷേത്രം സന്ദർശിച്ചപ്പോൾ, ബാലസുബ്രഹ്മണ്യൻ്റെ ഒരു വിഗ്രഹം സ്വാമികളുടെ ഉപദേശപ്രകാരം, മഹാഗണപതിയുടെ ഇടതുവശത്ത് പ്രത്യേകം ശ്രീകോവിൽ നിർമ്മിച്ച് പ്രതിഷ്ഠിച്ചു.



1976-ൽ മൈസൂർ അവദൂത ദത്ത പീഠത്തിലെ പരംപൂജ്യ ശ്രീ ശ്രീ ഗണപതി സച്ചിദാനന്ദ സ്വാമികളുടെ സാനിധ്യത്തിൽ കുംഭാഭിഷേകവും നടന്നു.

2001-ൽ ശനീശ്വര ക്ഷേത്രമായതിനാൽ നവഗ്രഹപ്രതിഷ്ഠയും ശുപാർശ ചെയ്തു. അതനുസരിച്ച് ക്ഷേത്രം മുഴുവനും പുതുക്കിപ്പണിയുകയും ശ്രീകോവിലുകൾ പുനർനിർമിക്കുകയും നിലവിലുള്ള മഹാഗണപതിയുടെയും ബാലസുബ്രഹ്മണ്യൻ്റെയും വിഗ്രഹങ്ങൾ പുനഃസ്ഥാപിക്കുകയും ചെയ്തു. നവഗ്രഹ ദേവതകളുടെ പ്രതിഷ്ഠയും നടത്തി. 2003 മെയ് 7 ന് ബാംഗ്ലൂർ ശിവഗംഗ മഠത്തിലെ ശ്രീ ശ്രീ സച്ചിദാനന്ദ ഭാരതി സ്വാമികളുടെ ആഭിമുഖ്യത്തിൽ മഹാകുംഭാഭിഷേകവും സഹസ്ര കലശാഭിഷേകവും നടത്തി.

തളി കുളത്തിന്റെ പടിഞ്ഞാറു ഭാഗത്തു 8 "ചിത്ര തൂണുകളിൽ" സ്ഥാപിച്ചിട്ടുള്ള ദ്രാവിഡ ശൈലിയിൽ 2003-ൽ നിർമ്മിച്ച 35 അടി ഉയരമുള്ള ശ്രദ്ധേയമായ രാജഗോപുരം മലബാറിൽ സ്ഥിതി ചെയ്യുന്ന ഈ ക്ഷേത്രത്തിന്റെ പ്രത്യേകതയാണ്. ഒരാഴ്ച നീണ്ടുനിൽക്കുന്ന വിനായക ചതുർത്ഥി-തേപ്പരതോൽസവവും പൂജകളും ഉത്സവങ്ങളും മറ്റ് സാംസ്കാരിക ചടങ്ങുകളും ആഘോഷിക്കുന്ന ഒരേയൊരു ക്ഷേത്രമാണ് തളി ശ്രീ മഹാഗണപതി ശ്രീ ബാലസുബ്രഹ്മണ്യ ക്ഷേത്രം എല്ലാ വർഷവും ഇത് ചതുർത്ഥി ദിനത്തിൽ "അഷ്ടദ്രവ്യക്കൂട്ട് മഹാഗണപതി ഹോമത്തോടെ" സമാപിക്കുന്നു.
Goto Home Page